KARMAVTOMA

Kulan – iľado puto kalmom langs
A tešte, a kŕost, a staka kev.
Ozavtodo tozoń ašo kilej –
Valgi sonzë langs narmuń – ojmem.

Valgi sasto dï morom poladsï –
Vajgeleś nusmańa dï sëťme.
A riznïćanť riznëme karmavtsï,
Meľavtïćanť viťsï melenzë.

Buti žo a kemevi koj-kineń,
Nať, isťamo tevť alkuks eriť?
Kadïk arsiť isťat jutïćatne:
Te kilejenť lopanzo toškiť…

1984

Pškaďan seneń, kije večksamam,
Kije ćiďardï staka korom,
Murnemstëjak son čaŕkoďsamam,
Kuš valom ersiť, teke torot.

A śopsa, jalgaj: pingeń kisëm
Lamoń śovnïń, paŕak, pokordïń.
Maŕavś moneń: a sťakoń kisë
Mon pićiń tolso, pštistë kortïń.

Mon bažiń sïrgoztems erźatneń,
Eždems sansonok keľmeź verenť,
Valdomgavtoms čopoda pŕatneń,
Veľmevtems ine pokšťań sërenť.

Pškaďan seneń, ki a večksamam,
Kije moń langs seľme śavadstï,
Maksost pejeľ – nejke pečksamam.
Isťatnë seľgsë ojmeť madstiť.

Sodak, avečkićam, sodak:
Eś pokšťań mikšnemaś pandovi –
Eź joma lemeś Gerostrat,
Anśak sval beŕanev kundavi.

1993

Źardo a karman mon uleme,
Lija erźava sti tarkazom.
Son erźań pokajem oršasï,
Štatolonť makssï tenzë Pazoś.

Ineškipaz, Vere Čipaz!
Oznan Toneť se avanť kisë:
Źardo a karman mon uleme,
Kazik sonzë moń ojmeń psisë.

Kadïk son mari ine sëreďks
Pištića erźań raśkenť kisë.
Keman: son uli prevej, mazïj.
Ulezë sede šožda kizë…

1993