Hörbücher

Boris Istľajev

Boris Egorovič Istľajev. Erźań lomań. Čačś 1928 ce ijestënt «Novaja Ťaglovka», Kočkur bujen velesënt. Te velesënt jutavtïze vese eŕamonzo. Tukšnoś anśak veśt, źardo kenkšezënzë vačkodś tortinges. Veľavtś tosto 1950 ijestënt. Velesënt učoś sonzë Marija Rangaeva tejtereś. Uŕvakśt, kastaśt kemen ejdet! Eŕamost pert važodśt apak lotkse. Škaś ulneś a šožda. Ten langs apak vano Boris Egorovič kenerkšneś moramo, seďaś garmonijaso dï balalajkaso, dï sermaleś nuŕkine jovtnemat. Śormadś dï kučnoś Kočkurbujen «Zaŕa» kuľalopanten. Teči śormadïćaś a martonok. Śormali, paŕak, sërďatnen jutkso, tona jono, umaŕpiresë…

Teči sonzë śormadovksonzo lovnï nućkazo, Bajagine. Mazïj dï prevej erźań tejtereś.

Tatjana Razguľajeva

Vasence avtoroś, kona šnïze  melemek veľavtoms jovksonzo audioformats. Kortamoś molś «Eŕaś-ašteś jovkske» kinigadonzo. Kinigaś pešťaź jovksoń valdoso. Son altaź erźań ejdetnenen. Jovkstnë tonavtït tirinsent večkeme, kisënzë melsparoso ašteme.

Erźań śormadej, valmoroń ladsij. «Śatko» kovstavksońt pŕavtredaktor. Pŕadïze M.E. Evsevjev lemsë institutoń filologijań fakultetënt. Śormadovksonzo pečatavśt «Erźań pravdaso», «Śatkoso» dï «Čilisemaso». Škań jutaź lamotne ejstëst lisśt «Teštine» dï «Oćor» pusmotnesë. Malav 20 ijet važodś «Erźań pravda» kuľalopasońt. Sede tov, – «Śatko» žurnalsońt Nej son – «Śatkońt» pŕavtredaktorozo. 2008 ijestë sonzë liś knigazo – «Peverdeź čovaľat». Śormadï očerkť, jovtnemat, novellat.

Aleksandr Tikšajkin

Śormadej. Ine erźań lomań. Alkuksoń pitne, erźań raśkesënt, sonenzë teškas apak puto…

Čačś 1960-ce ijen davolkovoń 4-ce čistënt, Dubenka bujen Antonovka velesënt.  Pŕadïze N.P. Ogaŕovoń lemsë universitetënt. Tede mejle važodś «Molodoj leninec», «Pobeda», «Erźań pravda» kuľalopatnesë. Alamodo a kemen ijet važodś «Śatko» žurnalsońt.

Vasence knigazo «HH pingen lomań» ulneś noldaź 2001-ce ijestënt, omboceś «Valdokužo» 2002, kolmoceś «Urozket»  2008-ce ijestënt. Śormadś sede, mezde lijat śormadejtne, dï kirdivijen «štatnojt śormadïćatne» čaťmonśt eli mančeśt.

Kemen ijet, eś jarmak langs noldaś «Rator» žurnalońt. Lamokśt pškaleś kirdivijenten lezamoń kuvalt, anśak isťat śormadejtne dï žurnaltnëjak kirdivienten eźt eŕavo.

Mejelce ijetnestë eŕaś Saran ošso nužačisë. Važodemazo arasel. Sëredś. Jakaś ormav jalaksonzo melga. Eŕaśt kavonest jalaksonzo invalidën pensija langs. Ten langs apak vano važodś Aťań Ezemsënt. Pek lamo vijt putś «Erźań kočkavića kurotnen kočkamodo dï važodemado Kojluvoń» śormadomanten. 

Kuloś 2020-ce ijen medkovoń 28-ce čistënt. Kalmaź Oťažbujen Sabancele velesënt.

Eŕuš Vežaj (Eŕušov Boris Aleksejevič)

Sodaviks erźań poet dï śormadej, lija kelstë jutavtïća, «Ruća» lezëpargońt vetića. Baška valmoronzo putoź moroluvs dï moraź. Baška jovksonzo, śormadovksonzo, gajtevteź audiokinigaso. Śormadovksonzo, jovksonzo, valmoronzo, sotaź eś raśken, eś kelen večkemaso. Vese vijezë, eŕamozo, erva valozo dï tevezë, putï erźań tevs, vanstomga dï kastomga tirin raśkent dï kelent.