RAŚKEŃ SÏRGOZTEMA MORO

Sťado, erźat, sťado, jalgat,
Mastoravaś ejsënek terdi,
Sťado, erźat, sťado, jalgat,
ERŹAŃ MASTOROŚ umok tardi.
Leľat-sazort, paťat jalakst,
Lavtovdo lavtovs miń sťatano.
Eś moronť kis, eś ojmenť kis
Vejke-vejkeneń keď vensťano!

Minek pokšťatne umoń škasto
Pačtiź minenek sïrneń kelenť.
Son vireń liśmaks žojni sasto,
Eždi, kećavtï erźań melenť.

Kežej puŕgineť źaroksť vačkodsť!
Źaroksť sťakšnosť kulomań kovolt!
Sïń erźań ojmes, sedejs pačkodsť
Dï kadnosť tozoń čentij tonolt.

Erźat! Panďa aštems puľźado!
Ureń ućaskanť miń jortsïnek.
Sï škań erijneń anśak sťado
Erźań ojmeń tolonť makssïnek.

Śado, erźat, sťado, jalgat!
Mastoravaś ejsënek terdi.
Sťado, erźat, sťado jalgat,
ERŹAŃ MASTOROŚ umok tardi.
Leľat-sazort, paťat-jalakst,
Lavtovdo-lavtovs
Miń sťatano.
Ejdenek kis, sï škanok kis
Vejke-vejkeneń keď vensťano!