KIZËŃ ČIKUNŠKA

Ašo reveks sëń pakśava
Apak kapša peľtne jakiť.
Sïnst vanstïćaś – gaj čipajeś
Pejdeź jutkovast eśkeli.

Eŕva kozoń son keneri,
Mezejak seľmstë a mensti.
Lavtovstonzo peľtneń ekšstë
Sïrneń lokšonzo novoliť.

1984

Idem mastors letetś moneń čačoms,
Śudoź mastors letetś moneń kasoms.
Oľavtomo raśkem tesë eri –
Ureksčinteń šnamoń valt sejeri.

Miń stuvtïnek esenek pazonok –
Nižeť-pežeť śavorsť langozonok.
Miń tapinek kezëreń kojenek –
Nartemkst,
palakst kurodïź ojmenek.

Eś kudoso nej erźat –
a azort,
Preveń koŕas nej erźatne kažovt,
Lemenek polavtïź śovnomkaso:
Śadot pingeť pokoriť «mordvaso».

Oľavtomo,
modavtomo raśke,
Šumbračisëť,
vijsëť lijat vaśkiť!
«Ine leľań» sulejeks teidiź –
Sval meľga molićaks veľavtïdiź.

Źardo štatï toń staka udomat?
Źardo azoroks jutat kudovat?
Źardo veľmi erźań kaštan koroś,
Dï Mastoronť ežďsï erźań moroś?..

1990