OZNOMA

Kolmo štatolt Pazonteń kirvazťan,
Šumbra kši dï sal Škinenteń putan,
Inzej veď čuvtoń pokš kečes kajan,
Ćapor tikšeń tansť kudovam suvtan.

Ve štatoloś – tiriń avań kisë,
Omboćeś – Erźań Mastorom kisë,
Kolmoćenť – songak valdsto palozo! –
Putsa večkemam-sëreďksëm kisë.

Verev jortsïń kavto ašo kedem,
Śukońamsto vejs neďasïń surom.
Paŕak, nesï Pazoś śukońamom,
Maŕasï pištij sedejeń morom.

Kolmo štatolt Pazonteń veľmevťan,
Kolmoń kisë Ineškinteń pškaďan.
Kolmoń kisë, buti leti – savi,
Apak jankse ťuža śovońs maďan.

1991