RAŚKEN SYRGOZTEMA MORO

Sťado, erźat, sťado, jalgat,
Mastoravaś ejsënek terdi,
Sťado, erźat, sťado, jalgat,
ERŹAŃ MASTOROŚ umok tardi.
Leľat-sazort, paťat jalakst,
Lavtovdo lavtovs min sťatano.
Eś morońt kis, eś ojment kis
Vejke-vejkenen ked vensťano!

Minek pokšťatne umoń škasto
Pačtiź minenek sïrnen kelent.
Son viren liśmaks žojni sasto,
Eždi, kećavtï erźań melent.

Kežej puŕginet źarokśt vačkodśt!
Źarokśt sťakšnośt kulomań kovolt!
Sïn erźań ojmes, sedejs pačkodśt
Dï kadnośt tozoń čentij tonolt.

Erźat! Panďa aštems pulźado!
Uren ućaskańt min jortsïnek.
Sï škań erijnen anśak sťado
Erźań ojmen tolońt makssïnek.

Śado, erźat, sťado, jalgat!
Mastoravaś ejsënek terdi.
Sťado, erźat, sťado jalgat,
ERŹAŃ MASTOROŚ umok tardi.
Leľat-sazort, paťat-jalakst,
Lavtovdo-lavtovs
Min sťatano.
Ejdenek kis, sï škanok kis
Vejke-vejkenen ked vensťano!