MEJELCE VASTOMA

Čijś virent čireva avine –
Ojmeś potmozonzo eź kelge.
Čavśt pŕasońt sijań bajaginet
Dï meltne seznevśt tapaź sëlgeks:
– Kirdevin! Vaj, nať, uš a nesa!
– Prevteme! Arseka, kov čijat?
– Kozoń lotki? Kosto vešnesa?!
– Tago kevksťan: meze ton tejat?
– Vaj, monś a sodan, meze tejan!
Vizďan lomande, esen pŕado.
No sontemenzë a eŕamo eŕan –
Iľado śaldo moń, iľado!
…Kapši večkemaś viren janga,
Veti ikelev, meŕat, terdi.
Dï kavtoldomań meltnen ajgi:
– Araś, a pejdi son, a pejdi!
…Ćokovoks veškemaś gajgstakšnoś,
Kelej lavtovs praśt šožda kedtne.
Vireś, prok paćaso, velťakšnoś
Mejelce vastomań selvedtnen.

1984

«Kingak a večkat. Ojmet kelme…»
Net valtnën karšo rakin mon.
Pokordaź ejden prok, toń selmet
Nusmańa suvs vajaśt vakssom.

Kingak a večkan… Ojmem kelmeś…
Ki sede pokšt majsemat pečtś:
Kin sedejs večkemaś eź velme?
Eli kije pajstomo večkś?..

1986

Sravtsïn čerem, śoksen lopań ťussot,
Selmečirkem raužoso vadsïn,
Jakstergavtsïn turvam – čevgel pusmot.
Melsaparom kenkš udalov kadsïn.

Sehte mazïj pokajem oršasa
Dï jutan ikelgat – čińazava.
Mon varštavksso sedejet ojmavtsa.
Vanta, źaro mel tonet mon javan!

Kelme valso, vedsë prok, a valtan,
Kutmordatan, majsemat a kandan.
Ojmen lembem teči tonet altan –
Kije sodï, meze uli vandï?!

Vejke čokšnës, kadïk vejke čokšnës
Mon meľavksot panžomas pekstasïn
Dï, ojmestëm čevte valoń kočkseź,
Toń sedejet rizkstnëde vanstasa!..