KIZËN ČIKUNŠKA

Ašo reveks sën pakśava
Apak kapša peltne jakit.
Synst vanstïćaś – gaj čipajeś
Pejdeź jutkovast eśkeli.

Erva kozoń son keneri,
Mezejak selmstë a mensti.
Lavtovstonzo peltnen ekšstë
Sïrnen lokšonzo novolit.

1984

Idem mastors letetś monen čačoms,
Śudoź mastors letetś monen kasoms.
Oľavtomo raśkem tesë eri –
Ureksčinten šnamoń valt seeri.

Min stuvtynek esenek pazonok –
Nižet-pežet śavorśt langozonok.
Min tapinek kezëren kojenek –
Nartemkst,
palakst kurodïź ojmenek.

Eś kudoso nej erźat –
a azort,
Preven koŕas nej erźatne kažovt,
Lemenek polavtïź śovnomkaso:
Śadot pinget pokorit «mordvaso».

Oľavtomo,
modavtomo raśke,
Šumbračisët,
vijsët lijat vaśkit!
«Ine leľań» sulejeks teidiź –
Sval melga molićaks veľavtïdiź.

Źardo štatï toń staka udomat?
Źardo azoroks jutat kudovat?
Źardo velmi erźań kaštan koroś,
Dï Mastorońt eždsï erźań moroś?..

1990