Prädovś kizěś – moń večkeviks škam,
Vasolo ki langov narmunt́ purny.
Por pandynes tuemstě lotkaś –
Maräsak, kodanä vireś uvny?
Syń kizěnt́ livteme viŕ čires,
Se tarkanteń, koso kolmo kilejt́
Vejke jursto kasyt́, prok sazort,
Let́ke latksont́ sornyt́ kaleń ilejt́.
Kośke sölt potmaksoś ožoldy,
Veĺkssěm tumoś sěränzo peverdi.
Čova rungo najan pizölksoś
Cücövsonzo kaštansto jaksterdi.
Toški kizěś tenst nusmanä valt,
Kenkš čiresě pacäso avoli.
Pokš kileeś penäcäź korty –
Teke moń ojmestě valtně molit́:
Ěziń kenert́ mazyj škam neeme,
Ěziń kenert́ koĺneme-ěĺneme,
Ěziń kenert́ moramo-kišteme,
Ěziń kenert́ večkemam kazeme –
Vant, sökseś ěrämozom ěĺ sy…
1984
Vaj, meks ton ězit́ čaŕkode
Čevte valso moneń pškadems?
Meks tonet́ tuń ěź čaŕkodev
Tardi ojment́ mejsě vadems?
Ěli valt mazyjt́ a sodat?
Ěli jovtamost synst vizdät?
Meks moń marto ton a kortat,
Mon žo kaštan korot kirdän?
Mert́ teń istä, vitik melem:
Ton moń večkemam, sätkinem.
Sodan, ěrsi čevteks kelet́,
Mert́ teń: varminem, teštinem.
Mert́ teń: ojmem, sedejbeĺksěm,
Moń melävksom dy kenärksom,
Ton, prok čiś, ěždät moń ějsě,
Ěrämoso valdo jonksom!..
Buti istä teń merevlit́,
Pekstaź sedeet́ panžovlik, –
Ton, paräk, poět ulevlit́
Dy moń ojmem čaŕkodevlik!
Tejteŕpingeś teke cökov mory,
Kunška poraś kukineks kukordy.
Ki jovtasy: kodamo narmuneks
Syrečiś ěrämosont́ sümordy?
Mon kenkšem dy vaĺmamgak pekstavliń –
Ilä sova, syŕkaj, a ěrävat!
Kadyk cökovt moryt́, riznyt́ kukot–
Ansäk avoĺ krenčt dy avoĺ kavalt!
…A pekstnevit́ vaĺmatne dy kenkštne:
Ietne rungovant́ kit́-jant kerit́.
Tejteŕpingeś sonzě tuń a mari –
Avaksčinteń syrečiś seeri…
1985
Sökseń meneĺsěnt́ apokš tešte citni.
Son śkamonzo dy, ulema, vasolo:
Lembesěnzě pinges kińgak ěź ěžde,
Valdozojak viška štatolněks paly.
Seks, sekeń vant, a veseneń nejavi.
Mon sädot tešte jutkso – seh viškineś.
Lembem a pačkodi – vasolan ějstět́,
Dy valdomgak a lijatnede lamo –
Umok kekševś sede viev valdoso.
…Redävlimikak ton sede ikele!
1985
Vastomaś uĺneś lomań pingstě:
«Zärdo? Kuvat́s?» – istäkoń valt.
Mik seĺmtne peĺst́ vannomo vid́stě:
Tuit́ kortamot – keri salt.
Javomaśkak lisś lomań pingstě:
Tago jovtazeĺt́ čavo valt.
Rizksěś lepštäś sedejtneń pinkssě,
Salavań varštavkstně – prok nalt.
Tuemstě venstija tet́ kedem:
Kojtne-kirdatne a kolams!
Toń psi komorso keĺmeź kedem
Teke ěj pokoĺne solaś.
Večkemam! Tejteŕpingeń morom!
Nej, zärdo ucäskam keždi,
Marän: a kedem psi komorsot –
Tardicä sedeem ěžni!
1987
